पाँचथर । जिल्ला फुटबल संघ पाँचथरको अध्यक्षमा गणेश बहादुर राई निर्वाचित भएका छन् । अर्का अध्यक्षका प्रत्याशि विमल श्रेष्ठलाई ५ मतले हराउदै राई निर्वाचित भएका हुन् । निर्वाचित भएका राई जिल्ला फुटबल संघ पाँचथरको पूर्व अध्यक्ष समेत हुन् ।
शनिबार भएको जिल्ला फुटबल संघ पाँचथरको चुनावी साधारण सभाबाट राई नेतृत्वमा १३ सदस्यीय नयाँ कार्यसमिति चयन भएको हो ।
शनिबार भएको निर्वाचनमा अध्यक्षमा गणेश राईले ८ मत प्राप्त गर्दा बिमल श्रेष्ठले ३ मत मात्र पाउन सके ।
अखिल नेपाल फुटबल संघ (एन्फा)को विधानअनुसार आगामी चार वर्षे कार्यकालका राई नेतृत्वमा नयाँ कार्यसमिति निर्वाचित भएको हो । यस्तै, उपाध्यक्षमा शिवकुमार लावती, युन्छोकहाङ तुम्बापो, सागर नेम्बाङ निर्वाचित हुँदा टंक गुरुङ, चन्द्रराज आङदेम्बे, र राजु तामाङ पराजित भए ।
सदस्यमा अनिल थाम्सुहाङ,कमल लावती, कविरमान तुम्बापो, गर्जबहादुर लावती,प्रेमराज चेम्जोङ,कुवेर आङदेम्बे, बालकुमार थापा मगर, श्याम गुरुङ निर्वाचित भए । महिला सदस्यमा सम्झना राई निर्विरोध निर्वाचित भइन् ।
अखिल नेपाल फुटबल संघ (एन्फा) ले पाँचथरको लागी खटाएको केन्द्रीय पर्यवेक्षक भगिरथ आले मगरको रोहबरमा निर्वाचन सम्पन्न भएको थियो ।
