पाँचथर ।पाँचथर जिल्ला अन्तरपालिका स्तरीय १४ औ राष्ट्रपति रनिङ शिल्ड प्रतियोगिता २०८० हुने भएको छ । जिल्ला खेलकुद विकास समिति पाँचथरको आयोजना तथा राष्ट्रिय खेलकुद परिषद् र कोशी खेलकुद विकास बोर्डको आर्थिक व्यवस्थापनमा सञ्चालन हुने प्रतियोगिता यही फाल्गुन २८ गते देखि सुरु हुने भएको हो ।
जिल्ला खेलकुद विकास समिति पाँचथरकोको सोमबार बसेको बैठकले प्रतियोगिता यही २८ देखि ३० गते सम्म जिल्लाको रनिङ शिल्ड सञ्चालन गर्ने निणर्य गरेको समितिका अध्यक्ष सन्तोष मोक्तानले जानकारी दिए ।
प्रतियोगिता फिदिम माबिको खेलमैदनामा आयोजना गर्ने निर्यण समेत समितीले गरेको छ । प्रतियोगितामा ६ विधाका खेलहरु सञ्चान हुने मोक्तानले जानकारी दिए । मोक्तानका अनुसार प्रतियोगितामा भलिबल,कबड्डी, एथ्लेट्रिक,कराँते,तेक्वान्दो र उस्सुका खेलहरु आयोजना हुनेछन्। सबै खेलहरु छात्र र छात्राहरुको छुटाछुट्टै प्रतिस्पर्धा हुने छ ।
यसैबिच आयोजक जिल्ला खेलकुद विकास समितिले रनिङ शिल्ड प्रतियोगिता लाई भव्य एवं सभ्य बनाउन आफ्नो तयारी लाई तीव्र पारेको जनाएको छ ।
