पाँचथर । झापाको झापा गाउँपालिका १ लसुनमा लागुऔषध ब्राउन सुगरसहित पाँचथर फिदिमका दुई जना किशोरी पक्राउ परेका छन् । पक्राउ पर्नेहरूमा फिदिम नगरपालिका–४ कि १९ वर्षीय रदिमा बर्देबा र साेही ठाउँकि १९ वर्षीय इन्दिरा लिम्बु छन् ।
उनीहरूको साथबाट ब्राउन सुगर प्लाष्टिक सहित ३ ग्राम ९५ मिलिग्राम र ब्राउन सुगर प्लाष्टिक बाहेक १ ग्राम ६ मिलिग्राम ब्राउन सुगर बरामद भएको जिल्ला प्रहरी कार्यालय झापाको सुचना अधिकारी कृष्ण कुमार चन्दले जानकारी दिए ।
डीएसपी चन्दका अनुसार उनीहरूलाई सोमबार बेलुका झापा गाउँपालिका १ लसुनबाट नियन्त्रणमा लिइएको हो । लसुना क्षेत्रमा लागु औषध कारोबार भइरहेको छ भन्ने गोप्य सूचना प्राप्त भएपछि जिल्ला प्रहरी कार्यालय झापाबाट खटिएको प्रहरी टोलीले उनीहरूलाई पक्राउ गरेको प्रहरीले जनाएको छ ।
पक्राउ परेका दुवैलाई जिल्ला प्रहरी कार्यालय झापा राखेर थप अनुसन्धान भइरहेको प्रहरीले जनाएको छ ।
