पाँचथर । नेपाल आदिवासी जनजाति महासंघ ( फोनिज) को २२ औं स्थापना दिवसकाे अवसरमा  सदरमुकाम फिदिममा शुभकामना आदानप्रदान तथा पुरस्कार वितरण गरी मनाइएको छ ।
जिल्ला शाखा पाँचथरले आयोजनाले उक्त कार्यक्रम आयोजना गरेको हो । स्थापना दिवसको अवसरमा सञ्चारकर्मी सुजना मगरलाई नव प्रतिभा पत्रकारिता पुरस्कार प्रदान गरिएको छ । सुम्हालुङ एफएफमा आवद्ध मगर लाई ५ हजार ५ रुपैयाँ सहित पुरस्कृत गरिएको छ ।
कार्यक्रम मा फोनिजका संघिय परिषद सदस्य विजयवोध लावती, नेपाल पत्रकार महासंघ १ नम्बर प्रदेश उपाध्यक्ष लवदेव ढुंगाना, नेपाल पत्रकार महासंघ पाँचथर शाखाका अध्यक्ष गिरिराज बाँस्कोटा, गोरखापत्र संस्थान का सञ्चालक समिति सदस्य कृष्ण ओझा, सञ्चारीका समहका अध्यक्ष शान्तीदेवि राई लगायतले शुभकामना मन्तव्य राखेका थिए ।
नेपाल पत्रकार महासंघ पाँचथर शाखाको कार्यलयमा रहेको सभाहलमा भएको उक्त कार्यक्रम फोनिज पाँचथरका अध्यक्ष गणेश साम्पाङको अध्यक्षतामा सम्पन्न भएको थियो ।