फिदिम ,जेठ ९
पाँचथरमा कोराना संक्रमितहरुको संख्या दिनै पिच्छे बृद्धि हुँदै गएको गएको छ । आइबार मात्र जिल्ला मा ४८ जना कोरोना संक्रमित पुष्टि भएको हो । यो संगै पाँचथरमा सकृय कोरोना संक्रमित ३७७ पुगेको छ ।
आइतबार फिदिम नगरपालिकामा गरिएको ३७ जनाको परिक्षणमा १९ जना र हिलिहाङ ३० जनाको परिक्षणमा १७ जनामा आज संक्रमण पुष्टि भएको जिल्ला स्वस्थ्य कार्यालय पाँचथरले जानकारी दिएको छ ।
यस्तै तुम्वेवा गाउपालिका मा सकृय संक्रमित संख्या २० पुगेको छ ।
फाल्गुनन्द गाउँपालिकामा १३ जना , फालेलुङ गाउँपालिकामा ३ जना मात्रै सकृय संक्रमित रहेको बताइएको छ । यता कुम्मायकमा सकृय संक्रमित संख्या १२ रहेको छ ।
मिक्लाजुङमा हाल सम्म ५१ जना संक्रमित गाउँपालिकामा रहेको गाउँपालिकाका प्रमुख अमर माखिले जानकारी दिएका छन् ,
कोरोनाको दोश्रो लहरमा पाँचथरमा २ जनाले ज्यान गुमाएका छन् भने ९१ जना निको भएका छन् ।
