ताप्लेजुङ । ताप्लेजुङको फक्ताङ्लुङ गाउँपालिका अध्यक्षमा नेकपा (माओवादी केन्द्र) का राजन लिम्बू (मुक्ति) विजयी हुनुभएको छ । यस्तै उपाध्यक्षमा नेपाली काँग्रेसका रविन साम्रा निर्वाचित भएकाछन् ।
सत्ता गठबन्धनका साझा उम्मेदवारका रुपमा रहनुभएका लिम्बूले २६६० मत प्राप्त गरी अध्यक्षमा निर्वाचित भएका हुन् । उनकाे निकटतम् प्रतिद्वन्द्वी नेकपा एमालेका सरोज एभेङले २३१२ मत मात्र प्राप्त गरे । उनीहरुबीचको मतान्तर ३४८ रहेको छ ।
यस्तै उपाध्यक्ष पदमा २३५८ मत ल्याएर साम्रा विजयी भएका छन् । उनकाे निकटतम् प्रतिद्वन्द्वी नेकपा एमालेकी शान्तिमाया लिम्बू पौडेलले २२१२ मत प्राप्त गरे । साम्राले १४६ मतान्तरले पौडेललाई पराजित गरेका हुन ।
