बिर्तामोड । झापाको मेचीनगरमा दुई नाबालिका दिदीबहिनीलाई बलत्कार गरेको आरोपमा एक जना बृद्ध पक्राउ परेका छन् । प्रहरीका अनुसार ११ र १७ वर्षका दुई नाबालिका दिदीबहिनीलाई जबर्जस्ती करणी गरेको आरोपमा एक ७३ वर्षीय बृद्ध पक्राउ परेका हुन् ।
पक्राउ पर्नेमा झापा मेचीनगरका बृद्ध रहेका छन् । उनलाई हिजो इलाका प्रहरी कार्यालय बिर्तामोडले पक्राउ गरेको डिएसपी रुगमबहादुर कुँवरले बताए । पीडितमध्ये १७ वर्षकी नाबालिका गर्भवती रहेकी छन् ।
घटनाको अनुसन्धान गर्नका लागि जिल्ला अदालतबाट म्याद थपको तयारीमा रहेको बिर्तामोड प्रहरीले आरोपित बृद्ध र पीडित नाबालिकाको बारेमा खुलाएको छैन ।
