पाँचथर । अखिल नेपाल फुटबल संघ (एन्फा)ले दक्षिण एसियाली फुटबल महासंघ (साफ) महिला यु-१९ च्याम्पियनसिपका लागि खुल्ला छनोटबाट खेलाडीहरु छनोट गरिरहेको छ । जिल्ला छनोट हुँदै प्रदेश छनोटबाट खेलाडीहरु केन्द्रिय छनोट खेलिरहेका छन् ।
महिला यु-१९ छनोटमा पाँचथरका ३ जना खेलाडीहरु दोश्रो चरणको छनोटको लागी छानिएका छन् । दोश्रो चरण पुगे फाल्गुनन्दका दुई खेलाडीहरु पुनम चेम्जोङ र दिक्षा कुरुम्बाङलाई प्रोत्साहान स्वरुप जनहि १५ हजार सहयोग गर्ने निणर्य भएको फाल्गुनन्द गाउँपालिकाका अध्यक्ष बृजहाङ आङदेम्बेले केन्जो खबरलाई जानकारी दिए ।
युवाहरुलाई प्रोत्साहान गर्ने पालिकाको निति अनुरुप सहयोग गरिएको आङदेम्बेले जानकारी दिए । पुनम चेम्जोङ र दिक्षा कुरुम्बाङ सहित मिक्लाजुङकि रेखा मगर पनि दोश्रो चरणको छनोटको लागी छानिएकि छन् ।
