पाँचथर। नवमिडाँडामा मंगलबार सम्पन्न भएको पाँचथर ‘ए’ डिभिजन लिग फुटबल प्रतियोगितामाको बिजेता पाँचथर युनाइटेड बनेको छ । ४ खेलमा ३ खेलमा जित र एक खेल बराबरी खेल्दै १० अंकका साथ नकआउट चरणमा प्रबेश गर्दै पाँचथरले उपाधि जितेको हो ।
पाँचथरले पहिलो नकआउटमा तिजोक क्लब लाई हराउदै फाइनल प्रबेश गरेको थियो । फिदिम स्र्पोटिङले सुम्हात्लुङ क्लबलाइ हराउदै पाँचथर युनाइटेड सँग भेट पक्का गरेको थियो ।
११ वटा क्लब सहभागी भएको खेलमा बिजेता बन्नको लागी मंगलबार पाँचथर युनाइटेड र फिदिम स्र्पोटिङ क्लब क्लब भिडेका थिए । फाइनल खेलमा फिदिम स्र्पोटिङ क्लब लाई ४-३ गोल अन्तरले हराउदै पाँचथर युनाइटेड लिगको बिजेता बनेको हो । लिग बिजेता भएको पाँचथर युनाइटेडले प्रदेश स्तरीय प्रतियोगितामा पाँचथरबाट सहभागीता जनाउने छ ।
११ वटा क्लबको सहभागीता रहेको प्रतियोगितामा सहभागी क्लबहरुलाई २ समुहमा बिभाजन गरी खेलाइएको थियो । समुह क को बिजेता पाँचथर युनाइटे र समुह ख को समुह उपबिजेता तिजोक क्लबले पहिलो नकआउट र समुह क को उपबिजेता सुम्हात्लुङ क्लब र समुह ख को बिजेता फिदिम स्पोर्टिङ बिच दोश्रो नकआउट खेल भएको थियो । नकआउटका बिजेता पाँचथर युनाइटेड र फिदिम स्पोर्टिङ बिच लिग च्याम्पीनको लागी प्रतिस्पर्धा गराइएको थियो । ।
समुह चरणको खेलहरुमा कमजोर प्रर्दशन गरेका पल्लोटार युवा क्लब र रानिटार युनाइटेड क्लब घटुवा हुँदै बि डिभिजनमा झरेका छन् ।
