पाँचथर । पाँचथरमा बाढि पहिरोबाट मृत्यु हुने संख्या आठ पुगेको छ । बाढिले बगाएका मध्ये दुई जनाको शव फेला परेको छ । बेपत्ता भएकी ४९ बर्षिय थुममाया योङया र ५३ बर्षिय कमला भनिने निर्मला राईको शव भेटेर सनाखत भएको जिल्ला प्रहरी कार्यालयका सूचना अधिकारी बेनिलाल शाहाले जानकारी दिए ।
निर्मलाको शव तमोर नदिको मुलघाटमा र योङया तमोरको तेह्थुमको फेला परेको थियो । बाढि पहिरोका कारण यस अघि २४ बर्षिय पेम्बि शेर्पा, ४ बर्षिय प्रिन्सी राई, ५१ बर्षिय गोपि विश्वकर्मा , ८२ बर्षिय पास्तेम्बा शेर्पा, ३८ बर्षिय रन्जना राई, ७२ बर्षिय नरेन्द्र चेम्जोङको मृत्यु भएको थियो ।
तीन जना बेपत्ता रहेका छन् । फिदिम-१ कि २१ बर्षिय सरस्वता पन्धाक, ५० बर्षिय कृष्ण दास र फालेलुङ-५ कि ३६ बर्षिय कमला राई रहेकी छन ।