पाँचथर । नेपाली काँग्रेसको भातृ संस्था नेपाल तरुण दलको स्थापना दिवशको अवशर पारेर कार्तिक १० गतेबाट फिदिममा अन्तरपालिका स्तरिय तरुण गोल्डकप फुटबल प्रतियोगिता आयोजना हुने भएको छ ।
तरुण दलको ७२ औं स्थापना दिवशको अबशरमा तरुण दल पाँचथरले तरुण गोल्डकप फुटबल प्रतियोगिता आयोजना गर्न लागेको तरुण दल पाँचथरका अध्यक्ष सुमल लामाले जानकारी दिए ।कार्तिक १३ सम्म सञ्चालन हुने प्रतियोगितामा पाँचथरका ८ पालिकाहरुको सहभागिता रहने लामाले जानकारी दिए ।
फिदिम माबिको खेल मैदानमा हुने प्रतियोगिताको बिजेताले नगद १ लाख र उपबिजेताले ५१ हजार प्राप्त गर्ने लामाले बताए । लामाका अनुसार यो तरुण गोेल्डकपको सातौ संस्करण हो । तरुण दल पाँचथरले आफ्नो स्थापना दिबशमा प्रत्येक वर्ष तरुण गोल्डकप फुटबल प्रतियोगिता आयोजना गर्दै आएको लामाले जानकारी दिए ।
