पाँचथर । पाँचथर सदरमुकाम फिदिमबाट जुवा खेलिरहेका तीन जनालाई प्रहरीले पक्राउ गरेको छ । फिदिम नगरपालिका २ पल्लोटारबाट खेमनाथ अधिकारीको घरबाट कौडा र पैसासहित उनीहरुलाई आईतबार राति १०ः३० बजे पक्राउ गरिएको प्रहरीले जनाएको छ ।
प्रकाउ पर्नेमा ५६ बर्षीय घरधनी खेमनाथ अधिकारी, ३१ बर्षीय मदन अधिकारी र फिदिम १ का ४० बर्षीय हिमाल नेम्बाङ रहेको जिल्ला प्रहरी कार्यालय पाँचथरका सूचना अधिकारी बिनलाल शाह तेलीले जानकारी दिए । प्रहरीले जुवाको खालबाट ६० हजार ५ सय ३० रुपैँया र १६ थान कौडासमेत बरामत गरेको जनाएको छ ।
