पाँचथर । फिदिम जारी एघारौं फाल्गुनन्द गोल्डकप प्रतियोगिताको छैटौं दिनको खेल न्युरोट टिम (एनआरटि) क्लब र सलहेश फुटबल क्लब बिच भएको अन्तिम क्वाटर फाइनल खेलमा १ लाख ३७ हजार ६ सय बराबरको टिकट बिक्रि भएको छ । आयोजक फिदिम र्स्पोटिङ सामाजिक सञ्जाल मार्फत यसको जानकारी दएिको हो ।
रू २०० का दरले उक्त रकम बराबरको टिकट बिक्रि भएको आयोजकले जानकारी दयिो । प्रतियोगितामा भोलीबाट सेमीफाइनलका खेलहरु सुरु हुनेछन् । भोली आयोजक फिदिम र्स्पोटिङ क्लबले चर्च व्वाइज युनाइटेड सँग खेल्ने छ । भोलीको टिकटदर २सय ५० रहने आयोजकले जनाएका छ ।
पुस १५ गते हुने फाइनल खेलको विजेताले नगद १० लाख ५ सय ५५ रुपैयाँ पाउने छ । उपविजेताले ५ लाख पाँच सय ५५ रुपैँया पाँउनेछ । २०६५ सालमा सञ्चालन भएको १० औँ संस्करणको गोल्डकपको भन्दा यसपटक पुरस्कार राशि दोब्बर बनाइएको हो । आयोजकका अनुसार प्रतियोगिताका ९० लाख रुपैयाँ खर्च हुने अनुमान गरिएको छ ।
प्रतियोगिताको सर्वोकृष्ट खेलाडीले एक थान इभी स्कुटर प्राप्त गर्नेछन् । प्रत्येक खेलमा म्यान अफ दि म्याच हुने खेलाडीले नगद १० हजार पाउँदा सर्वाधकि गोलकर्ताले नगद १५ हजार पाउनेछ । यसैगरी, उत्कृष्ट रक्षक, प्रशक्षिक, फरवार्ड, मिडफिल्डर, गोलरक्षक र उदयमान खेलाडीले समान १० हजार प्राप्त गर्नेछन् ।
