पाँचथर । फिदिम नगरपलिका ६ सिवामा अन्तर पालिका स्तरीय अर्थबाज आमन्त्रित पुरुष भलिबल प्रतियोगिता आयोजना हुने भएको छ ।
सिवा साहित्यिक साँस्कृतिक तथा खेलकुद आयोजक समितिको आयोजनामा हुने प्रतियोगिता फागुन २ गतेदेखि ७ गतेसम्म आयोजना हुनेछ । प्रतियोगितामा पाँचथरका फिदिम नगरपालिका,फाल्गुनन्द गाउँपालिका,फालेलुङ गाउँपालिका,ताप्तेजुङको सिदिङवा गाउँपालिका, तेह्रथुमको फेदाप गाउँपालिका, झापाका दमक नगरपालिका र भद्रपुर नगरपालिका, मोरङको बेलबारी नगरपालिका र सङखुवासभाको पाँचखपन नगरपालिका सहभागिहुने फिदिम ६ सिवाका वडाध्यक्ष बिपन तुम्रोकले जानकारी दिए ।
फिदिम नगरपालिका ६ सिवामा आयोजना हुने प्रतियोगिताको विजेताले १ लाख नगद प्राप्त गर्ने छन् । यस्तै दोस्रोले ७० हजार प्राप्त गर्ने छन् ।
