पाँचथर । पाँचथरको फिदिम नगरपालिका वडा नम्बर २ मा एक पुरुषको शव फेला परेको छ। फिदिम वडा नम्बर २ बैरङगीको अलौची बगानमा आर्यन मूलको जस्तो देखिने अन्दाजी ६० वर्षको नाम, थर, वतन नखुलेको एक पुरुस मृत अवस्थामा भेटिएको जिल्ला प्रहरी कार्यालय पाँचथ जनाएको छ।
जिल्ला प्रहरी कार्यालय पाँचथरका प्रहरी प्रवक्ता प्रहरी निरिक्षक बिनालाल शाहा तेलीले एक जना पुरुषका् शव भेटिएको जनाउँदै सनाखतका लागि प्रयास गरिदै गरेको जनाएका छन् । ती पुरुषको शवलाई प्रारम्भिक अनुसन्धान पश्चात् हाल जिल्ला अस्पताल पाँचथरकोे शव गृहमा राखिएकोले उक्त मृतक पुरुषलाईलाई चिन्नु हुनेहरूले प्रहरी कार्यालय पाँचथरमा खबर गरिदिन प्रहरीले अनुरोध गरेको छ।
प्रहरीले थप अनुसन्धान समेत गरिरहेको जनाएको छ।
